في فضاءات العشق الحسيني، تمتزج الكلمة بالدمعة، ويصبح الحرف منبرًا للنحيب والمواساة...
نُقدّم لكم قصيدة "مَنبر الحُب" التي أدّاها بإحساس خاشع الرادود محمد باقر الخاقاني، من كلمات الشاعر أحمد الهلباوي.
قصيدة تُحاكي جراح كربلاء، وتُلقي تحية دامعة على منبر الحبّ والبذل، حيث دموع الصبر وأحزان الحسين عليه السلام...
استمع للكلمات، وتأمل المعنى، فهنا يعلو الحزن منابر الخلود.
الاستماع والمشاهدة
يا مَنبر الحُب سَلام.. لدموع صَبرك
ضامي ورِوه الگاع نَحرك.. وشگد حِيا گلوب ذِكرك
وكِلمن بچه إعليك ادرك
ب إن رَحمتك سيّدي فوگ العقول
وبيا مواساة نعبّر.. واقل جرح بيك خُنصر
يَـ المنطي يمناك للحُر
وما إلها تفسير إلّا إنتَ يَـ إبن البتول
وكِلمن بچه إعليك ادرك
ب إن رَحمتك سيّدي فوگ العقول
وبيا مواساة نعبّر.. واقل جرح بيك خُنصر
يَـ المنطي يمناك للحُر
وما إلها تفسير إلّا إنتَ يَـ إبن البتول
❦ ❦ ❦
لأن حبل الوصال وِياك دَمعة
كل ذَرّة بوجودي تصيحلي إنعىٰ
بواچي الليل عَـ المّا عدهن خِيام
اللطم والنوح عَـ المهشوم ضِلعه
جِيتك مِن اللاحياة.. ميّت وتحييني آه
ريت ابيعن عُمري كِلّه ب اثر ناگة امشي وَراه
كل ذَرّة بوجودي تصيحلي إنعىٰ
بواچي الليل عَـ المّا عدهن خِيام
اللطم والنوح عَـ المهشوم ضِلعه
جِيتك مِن اللاحياة.. ميّت وتحييني آه
ريت ابيعن عُمري كِلّه ب اثر ناگة امشي وَراه
❦ ❦ ❦
وكل البواچي حَرام.. لو مو لخِدرك
يا مَنبر الحُب سَلام.. لدموع صَبرك
يا مَنبر الحُب سَلام.. لدموع صَبرك
❦ ❦ ❦
خلّيني اصد ليك وَحدك.. وأجري علىٰ لسان عَبدك
الدعوة إلي مَقبولة عندك
وإغفر لذَنبي اليِذهب النعمة مِن اديه
واحچي للجروح عَنّك.. وشِماخذ الماي مِنّك
يَـ الفوگ التراب چنّك
شمس جَريحة وتنزف إعله الدِنيا ضَي
الدعوة إلي مَقبولة عندك
وإغفر لذَنبي اليِذهب النعمة مِن اديه
واحچي للجروح عَنّك.. وشِماخذ الماي مِنّك
يَـ الفوگ التراب چنّك
شمس جَريحة وتنزف إعله الدِنيا ضَي
❦ ❦ ❦
اتمنّىٰ اضل دُوم اسعي.. بس إلكم احتاج وادعي
ويحچيلك لسان دَمعي
قليلة تُزهق رُوحي يَـ الضامي عليك !
ب نُص الـ إحتموا بيك تُقتل.. وعِندك نساوين ثُكّل
وإختك تناديك عَـ التل
تنهضلي لو اجمع شَمل حيلي واجيك
ويحچيلك لسان دَمعي
قليلة تُزهق رُوحي يَـ الضامي عليك !
ب نُص الـ إحتموا بيك تُقتل.. وعِندك نساوين ثُكّل
وإختك تناديك عَـ التل
تنهضلي لو اجمع شَمل حيلي واجيك
❦ ❦ ❦
ايّ حُب بِليّاك خِلّة.. كل صَفنة مو بيك زَلّة
والمّا بچه إعليك وَلّه
وبس اليواسي الزهرة بيك تخلّده
حُبّك عجن ماي طيني.. وإسمك صُبح شوف عيني
وخَلّه البچي يصير دِيني
يَـ إلي سِده إعليك إعله غيرك ما سِده
والمّا بچه إعليك وَلّه
وبس اليواسي الزهرة بيك تخلّده
حُبّك عجن ماي طيني.. وإسمك صُبح شوف عيني
وخَلّه البچي يصير دِيني
يَـ إلي سِده إعليك إعله غيرك ما سِده
❦ ❦ ❦
يَمسلوب الهِدم ب انياب شَرسة
وتعدّه چم نهر إعليك وامسىٰ
وما انسىٰ التگلّك إخذ ذِكراك
مِن البال چان تريدني انسىٰ
وتعدّه چم نهر إعليك وامسىٰ
وما انسىٰ التگلّك إخذ ذِكراك
مِن البال چان تريدني انسىٰ
❦ ❦ ❦
إن چان تريدني انسىٰ وابطّل النُوح وونيني
إخذ ذكراك مِن گلبي وإخذ صُورتك مِن عيني
ايّام العِشتها وياك اناغيك وتناغيني
شَ انسه ظعنك لو ضِماك.. صرخة خِيامك وراك
وظهرك المَحمي بعضيدك وبَعده ضَل خالي گفاك
إخذ ذكراك مِن گلبي وإخذ صُورتك مِن عيني
ايّام العِشتها وياك اناغيك وتناغيني
شَ انسه ظعنك لو ضِماك.. صرخة خِيامك وراك
وظهرك المَحمي بعضيدك وبَعده ضَل خالي گفاك
No comments:
Post a Comment