مو جديده.شعر شعبي بقلمي

مو جديده

ولا غريبه
صافن ولازم جريدة
وما اطــــــــــــــــــــالع غير صفحة

صفحـــــــــــــــــــــــــــــــــــــه اسمهه الوفيات

ومو جديده
ولا غريبه
الليل يلفي بعده صبحه
.......................... وبنفس هالصفحه ترجى اتشوف حالة ولادات
ومو جديده
ولا غريبه
وانه عالمعتاد اقره
...................... وفجأة لن المــــــــــــــح خبر فارقت روحي الحياة

ولاجت
اعتعت للفرح روحي ..... ولا جت
عليله الروح من عندي ... ولاجت
الي احباب ما نشدت....... ولاجت
اعله كَبري اتنوح مـــــامرت عليه

جربت الفرح مالايكَـ اوياي

ولبست الحزن جنه امفصل افصال

الحزن يتشلبه ظهري وظيم دنياي

ولا راضي ايتعدل واعــــــوج الحال

اشتضن يا حزن انه اتخله عنك هاي

بعيده وما اضنهه تـــــــــــمر عالبال

اشتضن اترك خليلي اليمشي وياي

مو من الاصل ولا جلـــــمت التنكَال

نيشانك يحزني امهرش اويه اجلاي

ومن كثرك يحزني مــــــــوجر الدلّال

يدن
جثير اجروح بالدلال .... يدن
آلام البكَلبي اليوم........ يدن (تجددن)
ومامش مثل هم الدين.. يدين
بس هم غيضكم اصعب عليه

بقلمي 

أكرم الياسري