كلمات قصيدة "يبنيتي باچر" | وداع أب لابنته 💔 بصوت الحاج باسم الكربلائي | مكتوبة كاملة
كلمات قصيدة "يبنيتي باچر" | وداع أب لابنته 💔 بصوت الحاج باسم الكربلائي | مكتوبة كاملة
في لحظة وداعٍ تقف عندها الكلمات عاجزة، يكتب الأب لابنته رسالةً خالدة، تُنزف من قلبٍ يعرف أن الرحيل قد اقترب، وأن الحنين سيبقى شاهدًا على ما تبقى من الذكرى.
قصيدة "يبنيتي باچر" ليست مجرد كلمات، بل وصية روحية من أبٍ محب، يرثي نفسه في حياة ابنته، ويرسم تفاصيل ألم الرحيل ولوعته…
فيها الألم والرجاء، الوداع والدعاء، والدموع التي لا تُقال، بل تُسمع من بين السطور.
قصيدة "يبنيتي باچر"
📢 الرادود: الحاج باسم الكربلائي
🖋️ الشاعر: أحمد الذهبي
🕯️ المناسبة: ليالي شهر محرم الحرام 1447 هـ – 2025 م
📍 المكان: حسينية عقيلة الطالبين (ع) – الأهواز، إيران
للاستماع
المقدمة
يقعد على صدر الشمر.. يلزم لحيته وما لحّق لزينب بعد يكتب وصيته وما لحّق لزينب بعد يكتب وصيته
ما باقي من ليل الهجر چم ساعه يمج يا وردة البيت وعطر جوري من اشمج ارتاح اذا احس بالتعب والصدري اضمج يا بويه باچر يا حضن دافي اليلمج عمري وسنينه.. الفرگه الحزينه انكتبت علينه.. وأمر الله صاير يبنيتي باچر
⋆ ──────⊹⊱✿⊰⊹────── ⋆
كلمة يا بابا من چنت آني اسمعلها ما أدري من گلبچ شنو يطلع قبلها هالكلمه ما إلها ثمن بالدنيا كلها لا آني لا انتي بعد نسمع مثلها البابا كلمه.. من الله نعمه نغمتها رحمه.. تطيب الخواطر يبنيتي باچر
⋆ ──────⊹⊱✿⊰⊹────── ⋆
يا بعد ابوها ويا نبض گلبه وحياته آنه ادري بس حضن الابو خيمه لبناته عدهن أعز من الهوه ريحة عباته ويعيشن ابلايه وطن ساعة مماته أسأل واجاوب.. وبروحي أعاتب ليل المصايب.. يدمي المحاجر يبنيتي باچر
⋆ ──────⊹⊱✿⊰⊹────── ⋆
لو سلمت يوم الشمس والهم يصيبچ ولو شفتي اخييچ ما اجه ولينه يجيبچ معناها يبنيتي وگع بالطف حبيبچ لرب الأمر سلمي الأمر وارضي بنصيبچ ابچي عليه.. لو مغربيه حسيتي بيه.. بين الحوافر يبنيتي باچر
⋆ ──────⊹⊱✿⊰⊹────── ⋆
باچر ابوهه ابلا هدم ساعة منيتـه طايح امسلب منذبح محترگ بيته يگعد على صدره الشمر يلزم لحيته وما لحگ لزينب بعد يكتب وصيته بآخر حياته.. ينظر بناته بين الشماته.. وطعن الخناجر يبنيتي باچر
No comments:
Post a Comment