جابولج خبر؟؟

جابولج خبر؟؟ هم كَالو الناس
هم شرحوا الحاله او وصفوا وضعي؟؟
كَالولج عليل وما يعرف النوم؟؟
وكَالولج اتخربط بيه كل طبـــــــعي؟؟
هم سولفوا عني وهم حجولج ها؟
كَالولج على الوجنات كت دمـــــعي؟؟
كَالولج سهر ماضاكَـ طعم النوم؟
كَالولج تصرفن ليله ضـــــــل يدعي؟
كَالولج ابهظمه وعن عذاب البيه؟
كَالولج عدل بس انـــــــحنه ضلعي؟؟
كَالولج تلعثم بالحجي ابطاريج؟؟
وانه الما عادتي اتلعثم وسط ربعي!!
كَالولج تهدم طاح فوك الكَاع؟
سور الروح بيه وبـعد شرد انعي ؟؟
كَالولج شحيح النفس منه او صار!
يتنفس بقايا انفـــــــــاس بالرجعي؟؟
وكَالولج خفن نبضات كَلبه البيه؟؟
وغده ايعور ابكَلبي المنحني ضلعي؟
انه الماحن عله احد .... والج حنه
وبيه الضلع مرفع........ والج حنه
جنت ابعيد اشوفه........ والجحنه
ومن حبج صرت ما اوجد البديه

بقلمي