خجلان الرمل.شعر شعبي بقلمي

خجلان الرمل من عدهه شايل حيل

  وحباته تســـولف  حيل  زعلانه

اكله يا رمل بسك زعل واتضوج

يكَلي شلون ابطل من وره فلانه

اكله يارمل خليك انص وعادل صير

يكلي شلون بيـــه اجدامه ريانه

ما احمل جدمهه وموعه بيه اتصير

لان انعــــم وناعم راح مــيزانه

يكَلي اجدامهه امن اتغوص بارضي ايصير

زلزال وتـــــــهدم طاحت اركانه

اكَله اصبر دقايق هيه راح اتروح

يكَلي الصبر وشَّل تــرك ميدانه

يكَلي الرجل شايف انته من اتغوص

اكَله اشلون وَصِّف هيه ريحانه

يكَلي اتشوف حبي اعله الشمس شيصير

يتزايد بريقه ويضوي لمعــــانه

ومن اتدوس هيه ابترف فوكَـ اعليه

يخفت كل بريقه وتختفي الوانه

حبيبي ابهون ويه الرمل.... دُوسَه
ولا تزعل عَلَي واتدوس..... دوسه
بجدمك لو وطيت الرمل..... دوسه
برقه وخل يذوب ابيــــــــــــن اديه


بقلمي