تراتيل على قبر مهدوم

تكفي موسيقى الحزن من تنهدات والم ولوعة ------------ مو خوش صرنه وبعد مانعجبكم؟ واحنه الشَّكر ذبنه ابسوالف حبكم مو خوش تالي وما حسبناهه احساب ليش اشعجب هلكّد تغيبون غياب طوَّف صبرنه اعليكم اصبح خنياب مو خوش صرنه وبعد مانعجبكم؟ طوَّف صبرنه وجزت بينه الصفنات والكَلب ما يحمل مصاب ولوعات بصفنات نكَضيهه الليالي وحسبات مو خوش صرنه وبعد مانعجبكم؟ بصفنات نكَضيهه الليالي ويا ويل ومن الندم راحاتنا اتطحنه الهيل والليل من يجبل ثكَل بينه الحيل مو خوش صرنه وبعد مانعجبكم؟ والليل من يجبل يجر حسره او آه من عدنه تاه الجدم تيه ممشاه حسرة افراكَـ الونة زادت ويلاه مو خوش صرنه وبعد مانعجبكم؟ حسرة فراكَـ الروح ملهوبه بنار مكتوب منكم مايصح لا أخبار موحش بفركَاكم ومغبر هالدار مو خوش صرنه وبعد مانعجبكم؟ موحش الدار وغدت حيطانه اتصيح والسكَف طاح وكل زواياه اتطيح وما نحمل بغيبتكم اهبوب الريح مو خوش صرنه وبعد مانعجبكم؟

في الفضاء القريب منّا مما يستطيع ان يدركه إِبصارُنا يلتحف درب التبانة السَّماء وما أخبرنيه جدي بأنّه (مسحل الكبش) حكايا قديمة سمعتها مرّة عن جدي رحمه الله وعندما بلغت رحلتي في الدراسة المتوسطة عرفته بما يسمى بدرب التبانة ......... كل النجوم التي احصيتها منذ ان رايت ذلك الخجل الوردي تكتنزه وجنتيك اصنع مثلثات من النجوم مرة وتارة مربعات واخرى دوائر ومحصلة اشكال مارسمت ومركز ما رسمت دوما ما لايكون الدب الاصغر ولا الاكبر فكان انت كل ليلة أكون قاب قوسين او ادنى من ذلك من رسمك مكتملة فوق كاهل السماء حملتك مرة اثم واخرى ثواب ولم ادرك العقاب قط كل يوم كاني متسلسلة غير منتهية احوم ببصري واكثر ما يزعجني هو تلك الغيوم تحجب بصري عن رؤياك بعد ان ادمنتُ امُّ كلثوم وعوَّدت عيني على رؤياك ترجع الغيوم لتعكر صفو تاملي فيك 12/11/2003 الواحدة بعد منتصف ليلة كئيبة بلا رتوش نقلتها من دفتري كما هي

ما بين كثرة حجي ومحاشر الجلمات بافكاري غص وانتجى ما يطلع وهيهات غص الحجي وما قبل بتوسل ومشيات مشيت كل الربع العدل وي المات مارضى يهل وي دمع ولا رضى بصدري يبات حجي الذي بالكَلب ما توصفه الجلمات اترجيته وبكل وكت وبدمع عيني اليكت يتغرغر ورد سكت فز مره وحده وكَال يا شوغه عن يا الم تكتب انوع اشكال لو عَ الذي رادتك عافك وعنك مال كتلك اطلع شمنتظر مو خلص مني العمر كَال استلم واشتغل اكس ومربع داس خلاني باليا وسف والظيم والوهواس انه ادري من دنيتي ماتجي راس وراس ضل يطحن وللصبح بالراحن وردن جلمات اله بالكَلب شغلتهن يطحنن

مخنوكَـ من غيبتج من غيبتج مخنوكَـ ما ينوصف حنَّي الج فاض وتعده النوكَـ ------------------ معقول يا هالبشر نص يوم الي بالشهر والله راح انتحر من غيبتج مخنوكَـ --------------- الرحمه حلوه اضن اعيوني مَيوجِّدَنْ من البجي عوِّشن من غيبتج مخنوكَـ --------------- الشوكَـ شب واشتعل والكَلب مني زعل تدريني كَول وفعل ساعه وتغيب الروح خليني اشوفج حلم وتهيد بيه جروح ضميني حيل او الج شديني واخذيني يا احلى شي بالعمر يا مكسب اسنيني عطشان لهفة وعسر من شوفج ارويني مخنوكَـ من غيبتج من غيبتج مخنوكَـ ما ينوصف حنَّي الج فاض وتعده النوكَـ